ශ්රී ලංකා පාසල් රග්බි සංගමය සංවිධාන කරන අන්තර් පාසල් රග්බි ලීගයේ පළමු කොටසේ ඒ කාණ්ඩයේ ශූරයින් තෝරාගනු ලැබෙන තීරණාත්මක තරගය අද පැවැත්වෙනවා.
ඒ බම්බලපිටිය ශාන්ත පීතර විද්යාලය සහ කොළඹ ඉසිපතන විද්යාලය අතරයි.
එම තරගය ශාන්ත පීතර විදුහල් ක්රීඩාංගනයේදී අද පස්වරු 04.00ට ආරම්භ වීමට නියමිතව තිබෙනවා.
සුපිරි වටයේ අවසන් සතිය ආරම්භ වන විට ශාන්ත පීතර විද්යාලය අතිරේක ප්රසාද ලකුණු 05ක් සමග සමස්ත ප්රසාද ලකුණු 40ක් ලබා ලකුණු සටහනේ පෙරමුණ ගෙන සිටිනවා.
ප්රසාද ලකුණු සටහනේ දෙවන ස්ථානයේ පසුවන්නේ කොළඹ ඉසිපතන විද්යාලයයි.
අතිරේක ලකුණු 07ක් සමග ඔවුන් ලබා සිටින ප්රසාද ලකුණු සංඛ්යාව 37කි.
ඒ අනුව අද පැවැත්වෙන තරගය ජය ගන්නා කණ්ඩායම මෙවර අන්තර් පාසල් රග්බි ලීගයේ පළමු කොටසේ ඒ කාණ්ඩයේ ශූරයින් බවට පත්වනු ඇති.
