නීති විරෝධී කටයුත්තක් ගැන ‘තලපති විජේට’ එරෙහිව පැමිණිල්ලක්

ඉන්දීය මැතිවරණයේ ඡන්දය ප්‍රකාශ කිරීම සඳහා දකුණු ඉන්දීය සුපිරි නළු විජෙයි චෙන්නායි හි පිහිටි ඔහුට අදාළ ඡන්ද මධ්‍යස්ථානය වෙත පැමිණි අවස්ථාවේ ඔහුව දැකබලාගැනීමට එම ස්ථානයට විශාල පිරිසක් රැස්ව ඇත.

එහිදී ඇතිවූ උණුසුම් තත්ත්වය හමුවේ පොලීසිය පැමිණ තත්ත්වය පාලනය කර පෝලිමේ නොසිට විජෙයි හට ඡන්දය ප්‍රකාශ කිරීම සඳහා අවස්ථාව ලබා දී ඇති අතර විජෙයි නීතිවිරෝධී ලෙස ඡන්දය ප්‍රකාශ කර ඇති බවට චෙන්නායි පොලීසිය වෙත පැමිණිල්ලක් ලැබී ඇත.

විශාල පිරිසක් පිරිවරාගෙන ජනතාවට හිරිහැර වන අයුරින් ඡන්ද මධ්‍යස්ථානය වෙත පිවිසීම ඔහුට එරෙහිව එල්ලවී ඇති චෝදනාව වන අතර මේ සම්බන්ධයෙන් චෙන්නායි පොලීසිය මේ දක්වා කිසිදු පියවරක් ගෙන නොමැති බවද විදෙස් මාධ්‍ය වාර්තා කර ඇත.