නිදහස් වූ වසන්ත මුදලිගේ නැවතත් රක්ෂිත බන්ධනාගාරයට

ත්‍රස්තවාදය වැළැක්වීමේ පනත යටතේ රක්ෂිත බන්ධනාගාරගත කර සිටි අන්තර් විශ්ව විද්‍යාලීය ශිෂ්‍ය බල මණ්ඩලයේ කැඳවුම්කරු වසන්ත මුදලිගේ නිදහස් කරන ලෙස කොළඹ ප්‍රධාන මහේස්ත්‍රාත්වරයා අද නියෝග කළා.

ත්‍රස්තවාදය වැළැක්වීමේ පනත යටතේ වසන්ත මුදලිගේ රක්ෂිත බන්ධනාගාරගත කිරිමට ඉදිරිපත් කරන ලද කිසිම සාක්ෂියක් තහවුරු වී නොමැති බවත් මෙම සාක්ෂි සැකකරු රක්ෂිත බන්ධනාගාරගත කිරීම සඳහා පසුව නිර්මාණය කළ ඒවා බවටත් පෙනී යන බවයි මහේස්ත්‍රාත්වරයා ප්‍රකාශ කළේ.

කෙසේ වෙතත් තවත් නඩු කිහිපයක් පැවතීම හේතුවෙන් වසන්ත මුදලිගේ තවදුරටත් රක්ෂිත බන්ධනාගාරගත කරන බවයි අධිකරණය නියෝග කර ඇත්තේ.

අද දින වසන්ත මුදලිගේ නිදහස් කිරීම සම්බන්ධයෙන් විශ්ව විද්‍යාල ශිෂ්‍යයින් බොහෝ පිරිසක් අධිකරණ පරිශ්‍රයේ රැස්ව සිටින අයුරුද අපට දකින්නට ලැබුණා.

මේ එම අවස්ථාවේදී වසන්ත මුදලිගේ වෙනුවෙන් පෙනී සිටි නීතිඥ නිමල් බෝපගේ මහතා වැඩිදුරටත් දැක් වූ අදහස්.