මේ වසරේ ගතවූ මාස කිහිපය තුල , පසුගිය වසරට වඩා සිගරට් අලෙවිය පහත වැටී ඇති බව ශ්‍රී ලංකා දුම්කල සමාගම පවසනවා.
එම සමාගම පෙන්වා දෙන්නේ බදු ඉහළ දැමීම, ජනතා ආදායම් පහත වැටීම සහ ආර්ථික මන්දගාමිත්වය යන කරුණු ඊට හේතු වී ඇති බවයි.
ඒ අනුව ජනවාරි සිට මාර්තු මාසය දක්වා සිගරට් අලෙවියෙන් ලද ආදායම රුපියල් බිලියන 46.93 සිට රුපියල් බිලියන 45.85 දක්වා පහත වැටී තිබනවා.
කෙසේවෙතත් ශ්‍රී ලංකා දුම්කල සමාගම පවසන්නේ බදු වැඩිකිරීම් හේතුවෙන් සිගරට් භාවිතා කරන්නන්ගෙන් වැඩි පිරිසක් බීඩි භාවිතයට හුරු ව ඇති බවයි.
