අනුරාධපුර ජේතවනාරාම ස්ථූපයේ සිදුව ඇති ඉරිතැලීම් සම්බන්ධයෙන් අධ්‍යයනයක් සිදුකොට සතියක් ඇතුළු වාර්තාවක් ලබදෙන ලෙස විෂය භාර අමාත්‍ය විදුර වික්‍රමනායක මහතා බලධාරින්ට උපදෙස් ලබා දී තිබෙනවා.
බුදුරජාණන් වහන්සේගේ ඉන බැඳි පටියේ කොටසක් හෙවත් ‘පටි ධාතුව’ නිදන් කර ඇති ජේතවනාරාමය ක්‍රිස්තු වර්ෂ හතරවන සියවසේ මහසෙන් රජ සමයේ ඉදිකර ඇති බව මහා වංශයේ සඳහන්.
ගඩොලින් ඉදිකරන ලද ලොව විශාලම ස්ථූපය ලෙස සැලකෙන මෙම ස්තුපය අඩි 400ක උසකින් යුක්තයි.
ලෝක උරුමයක් ලෙස නම් කර ඇති මෙම ස්ථූපය සංරක්ෂණය කර වන්දනාමාන කටයුතු සඳහා සැදැහැවතුන්ට විවෘත කෙරුනේ 2009 වසරේ සිටයි.
කෙසේ වෙතත් අද වනවිට ජේතවනාරාම ස්ථූපයේ ස්ථාන කිහිපයක ඉරි තැලීම් දක්නට ලැබෙන බව සඳහන්.
