ජාතික යොවුන් සේනාංකයේ නව සභාපති වැඩ භාරගනී

ක්‍රීඩා හා යෞවන කටයුතු අමාත්‍යාංශය යටතේ ඇති ජාතික යොවුන් සේනාංකයේ නව සභාපති ලෙස නිලන්ත කුමාර ඒකනායක මහතා අමාත්‍යවරයා අතින් නිළ වශයෙන් ජුනි 05 වන දින පත්වීම භාර ගැනීමෙන් අනතුරුව ජාතික යොවුන් සේනාංක මූලස්ථානයේ දී සිය තනතුරෙහි වැඩ භාර ගත්ත.

ශ්‍රී ජයවර්ධනපුර විශ්ව විද්‍යාලයේ ආර්ථික විද්‍යාව පිළිබඳව විශේෂ උපාධියක් හිමි ඒ මහතා ඉන්දීය විශ්ව විද්‍යාලයේ මහත්මා ගාන්ධි කෘෂි විද්‍යාපීඨයේ ආර්ථික විද්‍යාව පිළිබදව පශ්චාත් උපාධිධාරියෙකු වන අතර නිලන්ත කුමාර මහතා උතුරු මැද පළාත් සභාවේ පූර්ව ළමාවිය සංවර්ධන අධිකාරියේ කළමණාකාර අධ්‍යක්ෂවරයා ලෙස මේ දක්වා සේවය කළ අයෙකි.

ඔහු උතුරුමැද පළාත් මාර්ගස්ථ මගී ප්‍රවාහන අධිකාරියේ සභාපතිවරයා ලෙසද, උතුරුමැද පළාත් කාර්මික සංවර්ධන අධිකාරියේ සාමාන්‍යාධිකාරිවරයෙකු ලෙසද, සංවර්ධන ඉදිකිරීම් හා යන්ත්‍රෝපකරණ නියෝජ්‍යායතනයේ කළමණාකාර අධ්‍යක්ෂකවරයෙකු ලෙසද, සර්වෝදය සමාජ වැඩසටහනේ සම්බන්ධීකාරකවරයෙකු ලෙස හා ශ්‍රී ලංකා පොලිස් දෙපාර්තමේන්තුවේ සමාජ සම්බන්ධීකාරක නිළධාරියෙකු ලෙස ද කීර්තිමත් සේවයක් ඉටු කළ අයෙකි.