2023 ඡන්ද හිමි නාම ලේඛනයට online මගින් ලියාපදිංචි වීමේ පහසුකම් සලසා ඇති බව මැතිවරණ කොමිෂන් සභාව පවසනවා .
මැතිවරණ කොමසාරිස් ජෙනරාල් සමන් ශ්‍රී රත්නායක මහතා සඳහන් කළේ, www.elections.lk වෙබ් අඩවියට පිවිසීමෙන් එය සිදුකළ හැකි බවයි.
2023 ඡන්ද හිමි නාම ලේඛන ප්‍රතිශෝධන කටයුතු මේ දිනවල සිදු කරනු ලබනවා.
ඒ සඳහා වන සංගණන පත්‍ර ග්‍රාම නිලධාරීවරුන් වෙත නිකුත් කර ඇති බව ඔහු ප්‍රකාශ කළා.
අදාළ සංගණන පත්‍රිකා නිසි පරිදි සම්පූර්ණ කිරීමට සහය වන්නැයි මැතිවරණ කොමිසම සියලුම ඡන්ද දායකයින්ගෙන් ඉල්ලීමක් කර තිබෙනවා .
මේ අනුව ප්‍රතිශෝධන කටයුතු ලබන 16 වැනිදායින් අවසන් වනු ඇති බව ද සඳහන්.
