චීනයට එරෙහිව ලන්ඩනයේ විරෝධතා.

1989 ජුනි මස 04 වෙනිදා ටියනන්මෙන් චතුරශ්‍රයේ සිදුවූ ජන සංහාරය සිහි කරමින් බ්‍රිතාන්‍යයේ ලන්ඩන් අගනුවර පිහිටි චීන තානාපති කාර්යාලය ඉදිරිපිට විරෝධතා රැසක් පැවැති බව වාර්තා වනවා.
මෙම විරෝධතාවයේ දී ගෝලීය උයිගර් සංසදයේ බ්‍රිතාන්‍ය අධ්‍යක්ෂ රහීමා මහමුත් 34 වන ටීයන්මන් සංහාරය සිහිකරමින් ප්‍රබල අදහස් දැක්වීමක් සිදුකර ඇති බවයි විදෙස් මාධ්‍ය වාර්තා කළේ.
චීන තානාපති කාර්යාලය දෙසට ගමන් කිරීම ඇරඹි පාගමනට හොංකොං සහ ටිබෙට් ඇතුළු චීන රජයට එරෙහි රටවල් කිහිපයක වැසියන් විශාල පිරිසක ගේ දායකත්වය ලැබී තිබුණා.
උයිගර් ජන සංහාරය වහා නවත්වනු යනුවෙන් එම විරෝධතාවයට එක්වූ පිරිස් ප්‍රකාශ කර සිටි අතර, ඒ සඳහා සහය වන ලෙස බ්‍රිතාන්‍ය රජය ඇතුළු ලෝක ප්‍රජාවගෙන් ඉල්ලා සිටින බවයි විරෝධතාකරුවන් පැවසුවේ.
ටියනන්මෙන් සංහාරය යනු 1989 දී ප්‍රතිසංස්කරණ ගැති නායකයෙකු වන හු යැබොන්ග් සිහි කිරීම සඳහා චීනයේ බීජිං හි ටියානන්මෙන් චතුරශ්‍රයේ පැවති ශිෂ්‍යයන් විසින් මෙහෙයවන ලද පෙළපාලිය විසුරුවා හැරිමට එල්ල කරන ලද හමුදා ප්‍රහාරයයි.

එහිදී සරසවි සිසුන් 36 දෙනෙකු ජිවිතක්ෂයට පත්ව තවත් දෙදහසකට අධික පිරිසක් තුවාල ලබා තිබුණා.