ගල්වලක දියනෑමට ගොස් මවක් සහ දරුවන් දෙනෙකු ජීවිතක්ෂයට

තිස්සමහාරාම කාවන්තිස්ස පුර ප්‍රදේශයේ ගල්වළක ගිලීමෙන් මවක් සහ දරුවන් දෙදෙනෙකු ජීවිතක්ෂයට පත්ව තිබෙනවා.

මේ වන විට මවගේ සිරුර සොයාගෙන ඇති අතර දරුවන් දෙදෙනාගේ සිරුරු සොයා මෙහෙයුම් කටයුතු සිදුකරන බවයි පොලිසිය පැවසුවේ.

මෙලෙස මියගොස් ඇත්තේ 32 හැවිරිදි මවක් සහ 14 සහ 9 හැවිරිදි පිරිමි ළමුන් දෙදෙනෙක්.

ඊයේ පස්වරුවේ මව සහ දරුවන් දෙදෙනා මෙම ගල්වළේ දිය නෑමට ගොස් මෙලෙස මරණයට පත්ව තිබෙනවා.