කාලගුණයේ ආශිර්වාදයෙන් කෝඩුකාර ඇමරිකාව සුපර් එයිට් වටයට.

2024 ලෝක කුසලාන විස්සයි විස්ස තරගාවලියේ සුපර් එයිට් වටය සදහා සුදුසුකම් ලැබීමට අමෙරිකානු කණ්ඩායම සමත් වුණා.

ඒ අයර්ලන්තය සමග පැවති තරගය වර්ෂාව හමුවේ විසදුමකින් තොරව අවසන් වීමත් සමගයි.

ඒ අනුව ඇමරිකාවට සහ අයර්ලන්තයට ප්‍රසාද ලකුණු එක බැගින් හිමිවුණා.

අමෙරිකාවට හිමිවු ප්‍රසාද ලකුණුත් සමග ඔවුන් ප්‍රසාද ලකුණු පහක් ලබා ඒ කාණ්ඩයෙන් සුපර් එයිට් වටයට සුදුසුකම් ලබා ගත්තා.

ඒ සමගම ඒ කාණ්ඩයේ තෙවන ස්ථානයේ පසුවන පාකිස්ථානයට මුලික වටයෙන්ම ලෝක කුසලාන තරගාවලියෙන් ඉවත් වීමට සිදුව තිබෙනවා.