කාන්තා දැල්පන්දු අනුශූරින් දිවයිනට

ඉන්දියාවේ පැවති 13 වන ආසියානු කාන්තා දැල්පන්දු තරගාවලියේ, අනුශූරතාවය දිනා ගත් ශ්‍රී ලංකා කණ්ඩායම ඊයේ පස්වරුවේ දිවයිනට පැමිණියා.

ඉකුත් 18 වනදා සිට 27 වනදා දක්වා බැංගලෝර් නුවරදී මෙම තරගාවලිය පැවැත්වුණා.

ශ්‍රී ලංකා කණ්ඩායම පිළිගැනීම සඳහා ක්‍රීඩා අමාත්‍යාංශයේ නිලධාරීන් පිරිසක් සහ ශ්‍රී ලංකා දැල්පන්දු සංගමයේ නිලධාරීන් පිරිසක් ද කටුනායක ගුවන් තොටුපොළ වෙත පැමිණ සිටියා.

මෙම තරගාවලියේ අවසන් තරගයේදී ලකුණු 67 ට 64 ක් ලෙස තියුණු තරගයකින් පසු ආසියානු කාන්තා දැල්පන්දු ශූරතාවය දිනා ගනු ලැබුවේ සිංගප්පූරු කණ්ඩායම විසින්.