කථානායක මහින්ද යාපා අබේවර්ධන මහතාට එරෙහි විශ්වාසභංග යෝජනාව පාර්ලිමේන්තු න්‍යාය පුස්තකයට ඇතුළත් කර තිබෙනවා.
විපක්ෂ නායක සජිත් ප්‍රේමදාස ඇතුළු විපක්ෂයේ මන්ත්‍රීවරුන් 44 දෙනෙකු විසින් මෙම විශ්වාසභංග යෝජනාවට අත්සන් තබා තිබෙනවා.
ඒ අනුව අදාළ යෝජනාව පාර්ලිමේන්තුවේ නියෝජ්‍ය මහලේකම් චමින්ද කුලරත්න මහතාට පසුගියදා භාරදෙනු ලැබුවා.
පාර්ලිමේන්තු කටයුතු පිළිබඳ කාරක සභාව විසින් එම යෝජනාව විවාදයට ගන්නා දිනය ඉදිරියේදී තීරණය කිරීමට නියමිතයි.
