එස්.එම්. රංජිත්ට මහාධිකරණයෙන් අධිචෝදනා

උතුරු මැද පළාතේ හිටපු ප්‍රධාන අමාත්‍ය එස්.එම්. රංජිත් මහතාට කොළඹ මහාධිකරණය අද අධිචෝදනා පත්‍ර භාර දී තිබෙනවා.

ප්‍රධාන අමාත්‍යවරයා වශයෙන් කටයුතු කරමින් සිටින අවස්ථාවේ ඉන්ධන දීමනා වශයෙන් රුපියල් පනස් තුන් ලක්ෂ හැත්තෑ නවදහස් හයසිය විසි නවයක් ලබා ගැනීම සදහා රජයේ නිලධාරින් පෙළඹවීම සම්බන්ධයෙන් ඔහුට චෝදනා එල්ල වනවා.

කොළඹ මහාධිකරණ විනිසුරු මහේෂ් වීරමන් මහතා ඉදිරියේ එම චෝදනා පත්‍ර භාර දුන්නා.

අනතුරුව විත්තිකරු රුපියල් ලක්ෂ දහය බැගින් වූ ශරීර ඇප මත මුදා හරින ලෙසටයි අධිකරණය නියෝග කළේ.

මේ අතර රාජ්‍ය ඇමතිනි ඩයනා ගමගේ මහත්මියගේ පාර්ලිමේන්තු මන්ත්‍රීධුරය බල රහිත කිරීමේ රිට් ආඥාවක් නිකුත් කරන ලෙස ඉල්ලා ගොනු කෙරුණු පෙත්සමේ තීන්දුව ප්‍රකාශ කිරිමට ජූනි මස 06 වන දා දක්වා කල් දමා තිබෙනවා.