බදුල්ලේ සිට කොළඹ කොටුව දක්වා ධාවනය වෙමින් තිබූ උඩරට මැණිකේ දුම්රිය උලපනේ දුම්රිය ස්ථානයේදි අද (07) දින පිලිපැනීමකට ලක්ව තිබෙනවා.
ඒ හේතුවෙන් උඩරට දුම්රිය මාර්ගයේ දුම්රිය ගමනා ගමනයට බාධා පැමිණ ඇති බවයි නාවලපිටිය දුම්රිය පාලක මැදිරිය පවසන්නේ.
උඩරට මැණිකේ දුම්රිය අද (07) දින දහවල් 12.30 ට පමණ පිලීපැනීමට ලක් වු බවත්, එම දුම්රියේ පසුපස එන්ජිම සහ පළමු පන්තියේ මැදිරි දෙකක් පිලීපැන ඇති බවත් දුම්රිය පාලක මැදිරිය පවසනවා.
පීලිපැනීමෙන් දුම්රිය මාර්ගයට දැඩි අලාභ හානි සිදු ව ඇති බවයි වාර්තා වන්නේ.
පීලිපැන ඇති දුම්රිය පීලිගත කරනතෙක් උඩරට දුම්රිය මාර්ගයේ ගමන් ගන්නා මගින් නාවලපිටිය සහ ගම්පොල දුම්රිය ස්ථාන අතර ලංගම බස් රථවලින් ප්‍රවාහන කිරීමට පියවර ගෙන තිබෙනවා.
