ඉන්ධන මිල ඊයේ මධ්‍යම රාත්‍රියේ සිට සංශෝධනය කෙරේ

ඉන්ධන මිල ඊයේ මධ්‍යම රාත්‍රියේ සිට ක්‍රියාත්මක වන පරිදි සංශෝධනය කිරීමට ලංකා ඛනිජතෙල් නීතිගත සංස්ථාව කටයුතු කර තිබෙනවා.
නව සංශෝධනයට අනුව ඔක්ටේන් 92 වර්ගයේ පෙට්‍රල් ලීටරයක් රුපියල් 318 දක්වා රුපියල් 15කින් පහළ දැමීමටයි කටයුතු කර ඇත්තේ.
භූමිතෙල් මිල ද රුපියල් 50කින් පහළ දමා ඇති අතර එහි නව මිල වන්නේ රුපියල් 245ක්.
එසේම ලංකා කාර්මික භූමිතෙල් මිල ද රුපියල් 270ක් දක්වා රුපියල් 60කින් පහළ දැමීමට කටයුතු කර තිබෙනවා.
මේ අතර ඔක්ටේන් 95 යූරෝ 4 වර්ගයේ ඉන්ධන ලීටරයක මිල රුපියල් 20කින් ඉහළ දමා ඇති අතර, එහි නව මිල වන්නේ රුපියල් 385ක්.
එසේම ලංකා සුපිරි ඩීසල් 4 ස්ටාර් යූරෝ 4 වර්ගයේ ලීටරයක් රුපියල් 340ක් දක්වා රුපියල් 10කින් ඉහළ දැමීමට ලංකා ඛනිජතෙල් නීතිගත සංස්ථාව කටයුතු කර තිබෙනවා.
මේ අතර ලංකා අයි.ඕ.සී ඉන්ධන සමාගමේ මිල ගණන් ද මෙම මිල ගණන් හා සමානව සංශෝධනය කෙරෙන බවයි එම සමාගම ද නිවේදනයක් නිකුත් කරමින් සදහන් කළේ.