දකුණු රුසියාවේ ඉන්ධන පිරවුම්හලක සිදු වූ පිපිරීමකින් පුද්ගලයන් 12 දෙනෙකු ජීවිතක්ෂයට පත්ව තිබෙනවා.
මෙම පිපිරීම හේතුවෙන් තවත් පුද්ගලයන් 50 දෙනෙකු තුවාල ලබා ඇති බවයි විදෙස් මාධ්‍ය වාර්තා කර ඇත්තේ.
ඉන්ධන පිරවුම් හලේ ඇති වු ගින්න වර්ග මීටර් 500ක පමණ පැතිර ඇති අතර, තවදුරටත් පිපිරීම් සිදුවීමේ අවධානම පවතින බව එරට බලධාරීන් අනතුරු අඟවා තිබෙනවා.
පිපිරීමට හේතුව මෙතෙක් අනාවරණය වී නොමැති බවයි විදෙස් මාධ්‍ය වැඩිදුරටත් සදහන් කර ඇත්තේ.
