ඉන්දීය නිවාස ව්‍යාපෘතියේ තුන්වන අදියරෙහි නිවසක් ඉදිරිකිරීමේ පිරිවැය තුන් ගුණයකින් ඉහළ දැමීමට හැකිවී තිබෙනවා .
ඒ ශ්‍රී ලංකාවේ ඉන්දිය මහකොමසාරිස් ගෝපාල් බග්ලේ සහ ජල සම්පාදන හා වතු යටිතල පහසුකම් සංවර්ධන අමාත්‍ය ජීවන් තොණ්ඩමන් යන මහත්වරුන් අතර පැවැති සාකච්ඡාවක ප්‍රතිඵලයක් වශයෙන් .
මධ්‍යම, ඌව සහ දකුණු පලාත්වල දිස්ත්‍රික්ක 7ක් පුරා විහිදී ඇති ශ්‍රී ලංකාවේ වතුකරයේ ඉන්දීය ආධාර හරහා නිවාස 4,000ක් ඉදිකරමින් පවතිනවා .
මෙම තීරණයත් සමඟ එම නිවාස කඩිනමින් අවසන් කිරීමට හැකිවනු ඇති .
මෙම ව්‍යාපෘතියේ පළමු සහ දෙවැනි අදියර යටතේ නිවාස 46,000 කට ආසන්න ප්‍රමාණයක් ඉදි කරනු ලැබුවා.
නුදුරේදීම ඉන්දීය අග්‍රාමාත්‍ය නරේන්ද්‍ර මෝදි මහතා වතුකරයේ නිවාස 10,000 ක් ඉදිකිරීමේ මීළඟ අදියර ආරම්භ කිරීමට නියමිතයි .
වතුකරයේ පදිංචිව සිටින ඉන්දීයානු සම්භවයක් හිමි දෙමළ ප්‍රජාව ශ්‍රී ලංකාවට පැමිණ වසර 200 ක් සම්පුර්ණවිම සහ මහනුවර සහකාර මහ කොමසාරිස් කාර්යාලය පිහිටුවා වසර 100 ක් සම්පූර්ණවීම නිමිත්තෙන් මෙම ව්‍යාපෘතිය ක්‍රියාත්මකයි .
