ඉන්දියාවේ 77 වන නිදහස් දිනය අදයි

ඉන්දියාවේ 77 වන නිදහස් දිනය අදට යෙදී තිබෙනවා.

ඒ අනුව 77 වන නිදහස් දිනය නවදිල්ලි නුවර රතු බලකොටුවේදී පැවැත් වුණා.ඒ අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන්.

නරේන්ද්‍ර මෝදි අග්‍රාමාත්‍ය ධුරයට පත්වීමෙන් අනතුරුව සමරනු ලබන දස වන නිදහස් දින සැමරුම් උළෙල මෙය වනවා.

මෙවර එහි තේමාව වූයේ ජාතිය නිරන්තරයෙන් ප්‍රමුඛය යන්නයි.

1619 වසරේදී ගුජරාට් ප්‍රාන්තයේ සූරත් හි ආරම්භ කළ වෙළද සමාගමක් වන ඊස්ට් ඉන්දියා සමාගම හරහා බ්‍රිතාන්‍ය අධිරාජ්‍ය වසර 150 ක් ඉන්දියාව පාලනය කරනු ලැබුවා.

මහත්මා ගාන්ධි, ජවහර්ලාල් නේරු, සුභාෂ් චන්ද්‍රබෝස් වැනි සටන්කාමීන් ඉන්දියාවේ නිදහස වෙනුවෙන් සටන් කර තිබෙනවා.

ඒ අනුව 1947 වසරේදී ක්විට් ඉන්දියා ව්‍යාපාරයේ ප්‍රතිඵලයක් ලෙස බ්‍රිතාන්‍යයන්ගෙන් එරට මුදවා ගනු ලැබුවා.