ඇමරිකාවේ පාලමක් කඩා වැටීමේ අනතුර සිදුකළ නෞකාව ලංකාවට

ඇමරිකාවේ බැල්ටිමෝර් හි ෆ්‍රැන්සිස් ස්කොට් කී පාලම කඩාවැටුණු අනතුර සිදුකළ බහලුම් ප්‍රවාහන නෞකාව ලබන මස 22 වනදා කොළඹ වරායට පැමිණීමට නියමිතව තිබූ බව විදෙස් මාධ්‍ය වාර්තා කරනවා.

පැටපිස්කෝ ගංඟාව හරහා ඉදිකර ඇති පාලමේ කණුවක නෞකාව ගැටීමෙන් පසු පාලම කඩාවැටුනු අතර, ඒ මතින් ගමන් කරමින් තිබූ වාහන කිහිපයක් ගඟට වැටී තිබුණා.

එහිදී අතුරුදන්වූ බව කියන 20 කට වැඩි පිරිසක් සොයා දැනට මෙහෙයුම් ක්‍රියාත්මක බවයි විදෙස් වාර්තාවල වැඩිදුරටත් දැක්වුණේ.

නෞකාව අනතුරට ලක්වන විට බැල්ටිමෝර් වරාය ආසන්න ජලයේ උෂ්ණත්වය සෙල්සියස් අංශක 10ට ත් අඩු මට්ටමක පැවති බව සඳහන්.