අසිරිමත් නත්තල උදාවෙයි

ජේසුස් ක්‍රිස්තුස් වහන්සේගේ උපත සමරන අසිරිමත් නත්තල් දිනය අදට යෙදී තිබෙනවා.

මෙවර නත්තල් උදාව පළමුව සිදුවුණේ නවසීලන්තයේ – බැලනි දූපතටයි.

මෙරට ප්‍රධාන දේව මෙහෙය පැවැත්වුනේ පන්නිපිටිය ක්‍රිස්තු රජාණන්ගේ දේවස්ථානයේදී
ඒ අගරදගුරු අති උතුම් මැල්කම් කාදිනල් රංජිත් හිමිපාණන්ගේ ප්‍රධානත්වයෙන

එයට සමගාමීව දිවයිනේ සෑම දේවස්ථානයකම මධ්‍යම රාත්‍රි නන්තල් දේව මෙහෙයන් පැවැත් වූණා .

මහරගම මහා මේඝවත්ත ශාන්ත මරියා දේවස්ථානයේ පැවති නත්තල් ප්‍රධාන දේව මෙහෙයද සජීවීව ඔබ වෙත ගෙන ඒමටයි වී එෆ් එම් අපි කටයුතු කළේ. එම අවස්ථාව සදහාද විශාල පිරිසක් සහභාගී වූ ආකාරය දක්නට හැකි වුණා .

කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් ජනතාවගෙන් ඉල්ලා සිටින්නේ පවතින ආර්ථික අර්බුදය හමුවේ වුව ද දිලිඳු ජනතාවට අතහිත දෙමින් සාමයෙන් මෙවර නත්තල අර්ථවත් ලෙස සමරන ලෙසයි.

වතිකාන ශාන්ත බැසිලිකා දෙව්මැදුරේදී ශුද්ධ වූ ෆැන්සිස් පාප් වහන්සේගේ ප්‍රධානත්වයෙන් පැවති නත්තල් දේව මෙහෙය රෝමයේ වේලාවෙන් රාත්‍රි 7.30 ට ආරම්භ කෙරුණා .

කිතු උපත සිදු වූ බෙත්ලෙහෙමේ සහ ජෙරුසෙලම ආශ්‍රිත ප්‍රධාන දේවස්ථාන දහයක පමණ විශේෂ දේවමෙහෙයන් පැවති බවයි විදෙස් වාර්තා සදහන් කලේ .

මේ අතර අද දිනයට යෙදී තිබෙන නත්තල් දිනයට සමගාමීව බන්ධනාගාර ගත සිරකරුවන් 309 දෙනෙකු නිදහස් කිරීමට නියමිතයි .

මෙලෙස නිදහස් කිරීමට නියමිතව ඇත්තේ පිරිමි රැඳවියන් 306 දෙනෙකු සහ ගැහැනු රැඳවියන් තිදෙනෙකු බව බන්ධනාගාර දෙපාර්තමේන්තුව නිවේදනය කළා .

මෙම නිදහස හිමිවන්නේ සුළු වැරදි සම්බන්ධයෙන් දඬුවම් ලබා සිටි පිරිසකට බවයි බන්ධනාගාර දෙපාර්තමේන්තුව නිකුත් කළ නිවේදනයේ දැක්වෙන්නේ .