අඳුපැලෑනේ බිංදු STF එකට මාට්ටු

මනුෂ්‍ය ඝාතන, කොල්ලකෑම් හා පහරදීම් සම්බන්ධයෙන් නඩු කිහිපයකට අවශ්‍යව සිටි පුද්ගලයෙකු පොලිස් විශේෂ කාර්ය බලකාය විසින් අත්අඩංගුවට ගෙන තිබෙනවා.

ඒ් පොලිස් විශේෂ කාර්ය බලකාය රන්න, අදුපැලෑන, අංක 227/04 යන ස්ථාන සිදු කරන ලද වැටලීමකදීයි.

විශේෂ කාර්ය බලකායේ තංගල්ල කඳවුරේ නිලධාරීන්ට ලද තොරතුරකට අනුව මෙම වැටලීම සිදුකර තිබෙනවා.

මෙලෙස අත්අඩංගුවට ගෙන ඇති පුද්ගලයා අඳුපැලෑනේ බිංදු යන අන්වර්ථ නාමයකින් හදුන්වන අයෙකු බවයි පොලිස් විශේෂ කාර්ය බලකාය කියා සිටියේ.

ජුලි මස 11 වන දින හම්බන්තොට පොලිස් වසමේදී වෙඩි තැබීමක් සිදුකර මනුෂ්‍ය ඝාතනයක් සිදුකිරීමට උත්සාහ කිරීම හා කපා කොටා මනුෂ්‍ය ඝාතනයක් සිදු කිරීමට අදාළව සහ හක්මණ පොලිස් වසමේදී යතුරු පැදියකින් පැමිණිලි පුද්ගලයෙකුට පහරදී රුපියල් ලක්ෂ 38ක් වටිනා මුදල් හා රන් භාණ්ඩ කොල්ලකෑම හේතුවෙන් වූ නඩු කිහිපයක් සදහා අත්අඩංගුවට ගැනීමට සොයමින් සිටි පුද්ගලයෙකු බවද පොලිස් විශේෂ කාර්ය බලකාය පවසනවා.

බෝර 12 උණ්ඩ යෙදිය හැකි ගල්කටස් වර්ගයේ ගිනි අවියක් බෝර 12 උණ්ඩ දෙකක් සහ හෙරොයින් ග්‍රෑම් 7යි මිලිග්‍රෑම් 690ක් අත්අඩංගුවට ගත් සැකකරු සන්තකයේ තිබී සොයාගෙන තිබෙනවා.

පොලිස් විශේෂ කාර්ය බලකාය කියා සිටියේ අදුපැලෑනේ බිංදු යන අනුවර්ථ නාමයෙන් හඳුන්වනු ලබන අදුපැලෑන ප්‍රදේශයේ පදිංචි වයස අවුරුදු 30ක පුද්ගලයෙකු මෙලෙස අත්අඩංගුවට ගෙන වැඩිදුර විමර්ශන කටයුතු සඳහා හුංගම පොලිස් ස්ථානයට භාරදී ඇති බවයි.