සුබසාධන ප්‍රතිලාභ ගෙවීමේදී කිසිඳු වෙනසක් සිදු වන්නේ නෑ

අඩු ආදායම්ලාභී, ජ්‍යෙෂ්ඨ පුරවැසි, වකුගඩු රෝගී සහ ආබාධ සහිත පුද්ගලයින් සඳහා දැනට පවතින සුබසාධන ප්‍රතිලාභ ගෙවීමේදී කිසිඳු වෙනසක් සිදු නොකරන බව මුදල් රාජ්‍ය අමාත්‍ය ෂෙහාන් සේමසිංහ මහතා පවසනවා.

සිය ට්විටර් ගිණුමේ සටහනක් තබමින් අමාත්‍යවරයා කියා සිටියේ ඉදිරියේදී ගෙවීම් ප්‍රතිලාභීන්ට බැර කරන බැවින් බැංකු ගිණුමක් විවෘත කර ප්‍රාදේශීය ලේකම් කාර්යාල වෙත දැනුම් දෙන ලෙසයි.

අස්වැසුම ගිණුම් විවෘත කිරීම වෙනුවෙන් මහජන සහ ලංකා බැංකුවල බොහෝ ශාඛා අද සහ හෙට විවෘත කිරීමටද මීට පෙර තීරණය කෙරුණා.

එමෙන්ම රාජිය අමත්‍ය ජගත් කුමාර මහතාද මේ සමබන්ධයෙන් අදහස් පල කලා.

මේ අතර අස්වැසුවා සුබසාධන වැඩසටහන වෙනුවෙන් හමබන්තොට දිස්ත්‍රික්කයේ සියලු මහජන බැංකු අද දිනයේත් විවෘත කර ඇති බව හම්බන්තොට දිස්ත්‍රික් ලේකම් එච් පි සුමනසේකර මහතා පවසනවා .