ශ්‍රී ලංකාව ඉන්දියාව සමග එකගතාවක්

ඉන්දියන් සාගරය ඇතුළු කලාපයේ කටයුතු කිරීමේදී අන්‍යෝන්‍ය ආරක්ෂාවට තර්ජනයක් නොවන ලෙස කටයුතු කිරීම සමබන්ධයෙන් එකඟතාවකට පැමිණි බව විදේශ කටයුතු අමාත්‍ය නීතිඥ අලි සබ්රි මහතා පවසනවා.

ඔහු මේ බව සදහන් කලේ ජනාධිපති රනිල් වික්‍රමසිංහ මහතාගේ ඉන්දීය නිල සංචාරයේ ප්‍රතිඵල පිළිබඳ දැනුවත් කිරීම සඳහා අද ජනාධිපති මාධ්‍ය ඒකකයේ පවතී මාධ්‍ය හමුවට එක්වෙමින්.

ඉන්දීය රජය සමඟ එළැඹි එකඟතා පිළිබඳ දැනුවත් කිරීමක් එහිදී සිදු වුනා .

මේ අතර, ලංකාවට පැමිණ වසර 200ක් පමණ වන ඉන්දීය සම්භවයක් සහිත වතුකර දමිළ ජනතාවගේ ප්‍රගතිය උදෙසා ඉන්දියාවේ මැදිහත්වීමෙන් ආධාර ලබා දීම පිළිබඳ ජනපතිවරයා සාකච්ඡා කළ බවද අමාත්‍යවරයා පැවසුවා.

කෘෂිකර්මය හා සත්ත්ව පාලනය සඳහා අවශ්‍ය නව තාක්ෂණික දැනුම ලබාගැනීම සඳහා ඉන්දියාව සමඟ එකඟ වූ බවද අමාත්‍යවරයා අවධාරණය කලා.

මේ අතර , ශ්‍රී ලංකාවේ ධීවරයන්ට ඉන්දීය මුහුද හරහා අරාබි මුහුදට යෑම සඳහා අවස්ථාව ලබා දීම පිළිබඳද එහිදී සාකච්ඡා වූ බවයි විදේශ කටයුතු අමාත්‍ය නීතිඥ අලි සබ්රි මහතා පැවසුවේ .

මේ ඒ සමබන්ධයෙන් තවදුරටත් අදහස් පල කල විදේශ කටයුතු අමාත්‍ය නීතිඥ අලි සබ්රි මහතා