විදුලිබල මණ්ඩලය ප්‍රතිව්‍යුහගත කිරීම සම්බන්ධයෙන් සාකච්ඡාවක්

විදුලිබල මණ්ඩලය ප්‍රතිව්‍යුහගත කිරීමේ ඉදිරි පියවර සම්බන්ධයෙන් විශේෂ සාකච්ඡාවක් විදුලිබල හා බලශක්ති අමාත්‍ය කංචන විජේසේකර මහතාගේ ප්‍රධානත්වයෙන් එම අමාත්‍යාංශයේ දී පවත්වා තිබෙනවා.

ට්විටර් පණිවිඩයක් තබමින් ඔහු සඳහන් කළේ ආසියානු සංවර්ධන බැංකුව, ලෝක බැංකුව, ජපාන අන්තර් ජාතික සහයෝගිතා ඒජන්සිය, එක්සත් ජනපද ජාත්‍යන්තර සංවර්ධන නියෝජිත ආයතනය සහ ජාත්‍යන්තර මූල්‍ය සංගමයේ මෙරට ප්‍රධාන නියෝජිතයින් මෙන්ම විදුලිබල ක්ෂේත්‍රයේ ප්‍රවීණයන් ඊයේ පැවති මෙම සාකච්ඡාවට එක් වූ බවයි.

එහිදී විදුලිබල මණ්ඩලය ප්‍රතිව්‍යුහගත කිරීමේ වැඩපිළිවෙල වෙනුවෙන් සහය ලබා දෙන බව මෙම සංවර්ධන ආයතන ප්‍රකාශ කළ බව ද අමාත්‍යවරයා සඳහන් කළා.

ඒ අනුව විදුලිබල ක්ෂේත්‍රයේ ප්‍රතිව්‍යුහගත කිරීමේ කාර්යාලය මගින් සංවර්ධන නියෝජිත ආයතන සමග සාකච්ඡා කර අවශ්‍ය තාක්ෂණික හා මූල්‍ය සහය ලබා ගනිමින් ඉදිරි සැලසුම සහ නව පනතේ විධිවිධාන ක්‍රියාත්මක කරනු ඇති.