විත්තිකරුවකුට කොළඹ මහාධිකරණය ලබාදුන් මරණිය දඬුවම අභියාචනාධිකරණය තහවුරු කරයි

මනුෂ්‍ය ඝාතනයක් සිදු කිරීමේ චෝදනා ලබාසිටි පුද්ගලයකුට කොළඹ මහාධිකරණය මගින් පනවා තිබූ මරණීය දණ්ඩනය අභියාචනාධිකරණය විසින් තහවුරු කර තිබෙනවා.

මීට වසර 16 කට පෙර කොළඹ, බණ්ඩාරනායක පුර ප්‍රදේශයේදී මවක් සහ පුත්‍රයෙකු වෙඩිතබා ඝාතනය කිරීමේ චෝදනාව සම්බන්ධයෙන් වරදකරු කෙරුණු පුද්ගලයකුට කොළඹ මහාධිකරණය මගින් පනවා තිබූ මරණීය දණ්ඩනයයි අභියාචනාධිකරණය විසින් මෙලෙස තහවුරු කර ඇත්තේ.

එම දඬුවමින් තමන්ව නිදොස්කොට නිදහස් කරන ලෙස ඉල්ලා අදාළ විත්තිකරු විසින් ඉදිරිපත් කළ ඇපෑලක් විභාග කිරීමෙන් අනතුරුව අභියාචනාධිකරණ විනිසුරු මේනකා විජේසුන්දර මහත්මියගේ එකඟත්වය සහිතව විනිසුරු විකුම් කළුආරච්චි මහතා විසින් මෙම තීන්දුව ලබා දී තිබෙනවා.