වසර 04ට පසු ජනාධිපති අරමුදලේ පාලක සභාව රැස්වෙයි

ජනාධිපති අරමුදල මගින් ජනතාවට ලබා දෙන සේවය වඩාත් කාර්යක්ෂම කිරීමට පියවර ගෙන තිබෙනවා.

ජනාධිපති රනිල් වික්‍රමසිංහ මහතාගේ ප්‍රධානත්වෙන් ජනාධිපති අරමුදලේ පාලක සභාව රැස්වු අවස්ථාවේදීයි මෙම පියවර ගෙන ඇත්තේ.

වසර හතරකට පසුවයි ජනාධිපති අරමුදලේ පාලක සභාව රැස් වුණේ.

මෙම පාලක මණ්ඩලයට ජනාධිපති, අගමැති, කථානායක, විපක්ෂනායක, ජනාධිපති ලේකම් සහ ජනාධිපතිවරයා විසින් පත්කරනු ලබන නියෝජිතයින් දෙදෙනෙකු අතුලත්වනවා.

කෙසේවෙතත් ඊයේ පැවති හමුවට විපක්ෂ නායක සජිත් ප්‍රේමදාස මහතා සහභාගි නොවු බවයි ජනාධිපති මාධ්‍ය අංශය සදහන් කළේ.

ජනාධිපති අරමුදල මගින් ජනතාවට ලබා දෙන සේවය වඩාත් කාර්යක්ෂම කිරීම වෙනුවෙන් ආරම්භ කර ඇති වැඩසටහන් පිළිබද මෙහිදී දීර්ඝව සාකච්ඡා කර තිබෙනවා.

මේ අතර සිසුන් 3000ක් වෙනුවෙන් ජනාධිපති අධ්‍යාපන ශිෂ්‍යත්ව ප්‍රදානය කිරීම ඊයේ ජනාධිපති කාර්යාලයේදී සිදුකෙරුණා.
ඒ ජනාධිපති රනිල් වික්‍රමසිංහ මහතාගේ ප්‍රධානත්වයෙනුයි.

දිවයින පුරා අධ්‍යාපන කලාප කාර්යාල 100ක් ආවරණය වන පදිරි මෙම ශිෂ්‍යත්ව ප්‍රදානය කිරීම ක්‍රියාත්මක කර තිබුණා.