ජුලි මාසය සඳහා වන වකුගඩු, ආබාධිත සහ අඩු ආදායම්ලාභී වැඩිහිටි දීමනාව ලබන 25 වන දා සිට ලබා දෙන බව රාජ්‍ය අමාත්‍ය ශෙහාන් සේමසිංහ මහතා පැවසුවා.
ඒ සඳහා රුපියල් මිලියන 2684 ක් භාණ්ඩාගාරයෙන් සියලුම දිස්ත්‍රික් ලේකම් කාර්යාල වෙත යවා තිබෙන බවද ඔහු සඳහන් කළා.
ජනාධිපති රනිල් වික්‍රමසිංහ මහතා පසුගිය දා උපදෙස් ලබා දී තිබුණේ වකුගඩු, ආබාධිත සහ වැඩිහිටි දීමනා ලබාගැනීමට, පොරොත්තු නාමලේඛනයේ සිටින සියලු දෙනාටම අස්වැසුම යටතේ එම දීමනා ලබා දෙන ලෙසයි.
මේ අතර ජුලි මාසයේ වැඩිහිටි දීමනාව තැපැල් කාර්යාල මගින් ද ආබාධිත සහ වකුගඩු දීමනා ප්‍රාදේශීය ලේකම් කාර්යාල මගින් ද ලබන 25 වන දා සිට ලබා ගත හැකි බව රාජ්‍ය අමාත්‍ය ශෙහාන් සේමසිංහ මහතා සඳහන් කළා.
