ලාෆ් ගෑස් මිලත් අඩු කෙරේ

ලාෆ්ස් ගෑස් මිල අද මධ්‍යම රාත්‍රියේ සිට පහත දැමීමට තීරණය කර තිබෙනවා.

ලාෆ්ස් ගෑස් ආයතනය සදහන් කළේ කිලෝ 12.5 ක ලාෆ්ස් ගෑස් සිලින්ඩරයක මිල අද රාත්‍රියේ සිට රුපියල් 1290 ක මුදලකින් අඩු කරනු ඇති බවයි. ඒ අනුව එහි නව මිල රුපියල් 3 990 ක් වනු ඇති.

එමෙන්ම කිලෝග්‍රෑම් 5 ක ගෑස් සිලින්ඩරයක මිල රුපියල් 516 ක මුදලකින් අඩු කෙරෙනු ඇති බවද සදහන්.

මේ අතර ලිට්රෝ ගෑස් මිල ද අද මධ්‍යම රාත්‍රියේ සිට අඩු කිරීමට එම සමාගම පියවර ගනු ලැබුවා.

ඒ අනුව කිලෝග්‍රෑම් 12.5 ක ගෘහස්ත ගෑස් සිලින්ඩරයක් රුපියල් එක් දහස් පහකින් අඩු කර තිබෙනවා.

එමෙන්ම කිලෝග්‍රෑම් 5 ක සිලින්ඩරයක් රුපියල් 402 කින් පහළ යනු ඇති අතර කිලෝග්‍රෑම් 2.3 ගෑස් සිලින්ඩරයක් රුපියල් 183 කින් පහළ දමන බවයි ලිට්රෝ සමාගමේ සභාපති මුදිත පීරිස් මහතා පැවසුවේ.

මේ අතර ලිට්රෝ ගෑස් සමාගමේ සභාපති මුදිත පීරිස් මහතා පැවසුවේ උත්සව සමයේදී ජනතාවට සහන සැලසීමේ අරමුණින් මෙම තීරණය ගත් බවයි.