නානුඔය රදැල්ල කෙටි මාර්ගයේදි වැන් රථය අනතුරට පත්විමෙන් ජිවිතක්ෂයට පත් වූ එකම පවුලේ පස් දෙනාගේ අවසන් කටයුතු අද පස්වරුවේ සිදු කිරීමට නියමිතයි .
ඒ හැටන් දික්ඔය ජුම්මා පල්ලියේ සුසාන භුමියේදි.
දික්ඔය නගරයේ සියළුම වෙලදසැල් වල සුදු කොඩි ඔසවා තිබෙන බවයි අප වාර්තාකරු සදහන් කලේ . මේ සමබන්ධයෙන් පවුලේ ඥතීන් සහ ප්‍රදේශවාසීන් අදහස් පල කළා .
පාසල් ළමුන් රැගත් බස් රථයක්, වෑන් රථයක සහ ත්‍රීරෝද රථයක ගැටීමෙන් ඊයේ රිය අනතුරක් සිදුවූ අතර ඉන් පුද්ගලයින් 7 දෙනෙකු ජීවිතක්ෂයට පත්වුනා.
එම අනතුරින් සිසුන් 41ක් ඇතුළුව 53 දෙනෙකු තුවාල ලැබූ අතර ඔවුන් නුවරඑළිය රෝහලේ ප්‍රතිකාර ලබනවා .
මේ අතර ඊයේ රිය අනතුර සමබන්ධයෙන් තර්ස්ටන් විද්‍යාලයේ විදුහල්පති ප්‍රමුදිත වික්‍රමසිංහ මහතා අදහස් පල කළා .
මේ අතර නුවරඑළිය – රදැල්ල කෙටි මාර්ගයේ බර වාහන ධාවනය තාවකාලිකව තහනම් කිරීමට පියවර ගෙන තිබෙනවා.
අධික බෑවුම් සහිත එම මාර්ගයේ අනතුරු ගණනාවක් වාර්තා වීම හේතුවෙන් එම පියවර ගත් බවයි නුවරඑළිය දිස්ත්‍රික් ලේකම් නන්දන ගලබොඩ මහතා පැවසුවේ.
එමෙන්ම මඩොල්කැලේ හරහා පන්විල දෙසට ධාවනය වෙමින් තිබූ පන්විල ප්‍රදේශයේ ඇඟලුම් කම්හලක සේවකයින් පිරිසක් රැගත් බස් රථයක් රියදුරුට පාලනය කර ගත නොහැකිව මාර්ගයෙන් ඉවතට පැන පෙරළීමෙන් මගීන් 20 දෙනෙකු තුවාල ලබා තිබෙනවා.
ඊයේ පස්වරුවේ අනතුර සිදුව ඇති බව පොලීසිය පවසනවා .
අනතුර සිදුවන විට 28 දෙනෙකු බස් රථයේ ගමන් කර ඇති අතර එයින් කාන්තාවන් 16 දෙනෙකු සහ පිරිමි පුද්ගලයින් සිව් දෙනෙකු තුවාල ලබා මඩොල්කැලේ ප්‍රාදේශිය රෝහලට ඇතුළත් කර තිබේනවා .
බස් රථයේ තිරිංග අක්‍රීයවීම හේතුවෙන් මෙම අනතුර සිදු වී ඇති බවයි පොලීස් පරීක්ෂණවලදී අනාවරණය වී තිබෙන්නේ .
