යුද්ධයෙන් ගාසා වැසියන් මිලියන 2 ක් අවතැන් වේයි

යුද ගැටුම් හේතුවෙන් ගාසා තීරයේ අවතැන් වූ පලස්තීන වැසියන් ගණන මිලියන 2 කට ආසන්න බව එක්සත් ජාතීන්ගේ සංවිධානය පවසනවා.

එය ගාසා තීරයේ ජීවත් වන සමස්ත ජනගහනයෙන් සියයට 80 ක ප්‍රතිශතයක් බවයි ජගත් සංවිධානය සඳහන් කළේ.

පසුගිය දිනවල ඇති වූ යුද ගැටුම් හමුවේ තවත් මිලියනයක පමණ පිරිසක් අවතැන්ව ඇති බවට ද තොරතුරු වාර්තා වනවා.

ප්‍රහාර එල්ල වූ ප්‍රදේශවලට ආහාර නොලැබීම හේතුවෙන් අවතැන් වූ පිරිස් වෙත ආහාර, ඖෂධ සහ නවාතැන් පහසුකම් සපයා ගැනීමට දැඩි අර්බුදකාරි තත්ත්වයකට පත්ව තිබෙනවා.