මෘතදේහ වලින් කොම්පෝස්ට් පොහොර නිපදවීම ඇමෙරිකාවේ නිව්යෝක් ප්‍රාන්තයේ දී ආරම්භ කෙරුණා.
මේ වනවිට ඇමෙරිකාවේ ප්‍රාන්ත රැසක මේ අයුරින් මෘතදේහවලින් කොම්පෝස්ට් පොහොර නිපදවීම සිදුවන අතර, එම ප්‍රාන්ත අතරට අලුතින්ම එක් වුණු ප්‍රාන්තය ලෙස නිව්යෝක් නගරය හඳුන්වාදිය හැකියි.
මෘතදේහ ආදාහනය හෝ භූමදානය හෝ කරනවාට වඩා, කොම්පෝස්ට් පොහොර සැකසීමට යොදා ගැනීම පරිසරහිතකාමී බව යි ඇමෙරිකන් මාධ්‍ය වාර්තා කරන්නේ.
ඊට අමතරව, ආදාහනය හෝ භූමදානය හෝ කරනවාට වඩා එය ලාභදායී වනවා.
මෙහිදී සිදුවන්නේ මෘතදේහ විශේෂ පස් පිරවූ කන්ටේනරයක දිරාපත් වීමට සැලැස්වීමයි.
මෘතදේහ යොදා ගනිමින් කොම්පෝස්ට් පොහොර නිපදවීම සඳහා පළමුවෙන්ම අනුමැතිය ලබා දී තිබුනේ ඇමෙරිකාවේ වොෂින්ටන් ප්‍රාන්තය බවයි එරට මාධ්‍ය වාර්තා කරන්නේ.
ආදාහනය හෝ භූමදානය නොකර කොම්පෝස්ට් පොහොර නිපදවීමට අනුමැතිය දුන් නිව්යෝක් ආණ්ඩුකාරවරිය වන කැතී හෝචුල් ඩිමොක්‍රටික් පාක්ෂිකාවකි.
