මුදල් ඔට්ටුවට රේස් පැද්ද තරුණයන් අත්අඩංගුවට

මුදල් ඔට්ටුවට යතුරුපැදි රේස් පැද්ද තරුණයන් නව දෙනෙකු අද  අත්අඩංගුවට ගත්බව පානදුර උතුර පොලිසිය පවසනවා.

මෙසේ අත්අඩංගුවට ගෙන ඇත්තේ මොරටුව ඉදිබැද්ද සහ ඒ අවට ප්‍රදේශවල පදිංචි අවුරුදු 20 ත් 26 ත් අතර වයසේ තරුණයන් පිරිසක් බව පොලිසිය පැවසුවේ.

රාත්‍රි 12 න් පසුව ගාලුපාරේ යතුරුපැදි රේස් පදින බවට ලද තොරතුරක් මත තැන තැන සැගව සිටි පොලිස් කණ්ඩායම  රාත්‍රි 12.30 ට පමණ ගොරකපොල ඉන්ධන පිරවුම්හල ඉදිරිපිට තරගය ආරම්භ කිරීමට සූදානම් වීමේදී සැකකරුවන් අත්අඩංගුවට ගෙන යතුරුපැදි හතරක් භාරයට ගත්බව උසස් පොලිස් නිළධාරීයෙක් සදහන් කළා.