මිලියන 1152ක මත්ද්‍රව්‍ය තොගයක් කොටුවෙයි

නාවික හමුදා විසින් පසුගියදා අත්අඩංගුවට ගත් හෙරොයින් මත්ද්‍රව්‍ය තොගයේ වටිනාකම රුපියල් මිලියන 1 152ක් බවට අනාවරණය වී තිබෙනවා.

ශ්‍රී ලංකාවට කිලෝමීටර් 200 ක් බටහිර දෙසින්, ගැඹුරු මුහුදේදී මෙරට බහුදින ධීවර යාත්‍රාවක් සමඟ සැකකරුවන් පස් දෙනෙකු නාවික හමුදා භාරයට ගනු ලැබුවේ, පසුගිය 16වැනිදායි.

අනතුරුව සිදු කළ වැඩිදුර පරීක්ෂාවේදී, මත්ද්‍රව්‍ය කිලෝග්‍රෑම් 46යි ග්‍රෑම් 116ක් පාර්සල් හතලිහක් සොයා ගැනීමට හැකි වුණා.

අත්අඩංගුවට ගත් සැකකරුවන් වයස අවුරුදු 23 ත් 33 ත් අතර වන ගන්දර ප්‍රදේශයේ පදිංචිකරුවන් වනවා.
මේ ඒ පිලිබදව අදහස් පල කල නාවික හමුදා මාධ්‍ය ප්‍රකාශක කපිතාන් ගයාන් වික්‍රමසුරිය මහතා.