අපි පැරදුනේ එක මැතිවරණයක් විතරයි.ඒ මැතිවරණයේ පරාජය කියන්නේ අලුත් ගමනක අපේ ආරම්භයක් යැයි ශ්‍රී ලංකා නිදහස් පක්ෂ මහ ලේකම් හිටපු පාර්ලිමේන්තු මන්ත්‍රී දුමින්ද දිසානායක මහතා පැවසීය.
ඒ මහතා මේ බව ප්‍රකාශ කර සිටියේ අනුරාධපුර දිස්ත්‍රික්කයේ ගෑස් සිලින්ඩරය ලකුණින් මෙවර මහ මැතිවරණයට තරඟ කරන කණ්ඩායමේ ජයග්‍රහණය වෙනුවෙන් ගලෙන්බිඳුණුවැවදී පැවති ජන හමුවකදීය.
මෙම ජන හමුව ගෑස් සිලින්ඩරය ලකුණින් මෙවර මැතිවරණයට තරඟ කරන නාමල් විජේවර්ධන මහතා විසින් සංවිධානය කර තිබූ අතර, එම ජන හමුවේදී ගෑස් සිලින්ඩරය ලකුණින් මෙවර මැතිවරණයට තරඟ කරන නීතීඥ මහේෂ් කොටුවැල්ල, සරත් වීරසිංහ, ඩේරියස් ද සාකෝ, අබේසිංහ යන මහත්වරුන්ද අදහස් දැක්වීය.
එහිදී වැඩිදුරටත් අදහස් දැක්වූ දුමින්ද දිසානායක මහතා,
මැතිවරණයකදී ජය පරාජය කියන එක සාමාන්‍යය දෙයක්, නමුත් අපි පක්ෂයක් විදිහට, කණ්ඩායමක් විදිහට නැවතත් අපි ශක්තිමත්ව නැගිටින්න එකතු වෙලා තියෙනවා.ඉදිරි පාර්ලිමේන්තු මැතිවරණයේදී අපි ජනාධිපතිවරණයට තරඟ කළා වගේම අපි සියලු දෙනාම එකට එකතු වෙලා පරණ පුරුදු ගෑස් සිලින්ඩරය ලකුණින්ම තමයි ඉදිරිපත් වෙලා තියෙන්නේ, මේ ගෑස් සිලින්ඩරයත් එක්ක ශ්‍රී ලංකා නිදහස් පක්ෂය, එක්සත් ජාතික පක්ෂය, ශ්‍රී ලංකා පොදු ජන පෙරමුණ කියන පක්ෂ සියල්ලම එකට එකතු වෙලා තියෙනවා.කොළඹ ගත්තාම ඊට වඩා වැඩි පක්ෂත් එකතු වෙලා තියෙනවා.අපි මැතිවරණයට ඉතාමත් හොඳ අපේක්ෂක කණ්ඩායමක් යොදලා තියෙනවා.සමහරු නම් හොඳයි කියලා කියනවා වෘත්තිකයෝ වැඩි වුණාම.හැබැයි දේශපාලනය කරන්න ඔ්න දේශපාලනය දන්න කියන කට්ටිය.අපේ ඉන්න සියලු අපේක්ෂකයෝ ටික සියලු දෙනාම දේශපාලඥයෝ.ඉන්න තැන දන්න, හම්බෙන්න පුලුවන්, පහුගිය කාළය පුරාවටම තමන්ගේ දේශපාලන ඉතිහාසය ගැන කථා කලොත්, මේ ප්‍රදේශයේ අපේ අනුරාධපුර දිස්ත්‍රික්කයේ මිනිස්සුන්ට වැඩක් කරපු කට්ටිය තමයි අපේ අපේක්ෂකයෝ විදිහට අපි දාලා ඉන්නේ.මොකද අවුරුදු 76 ක්ම අපි කරලා තියෙන්නේ ප්‍රථිපත්තීමය දේශපාලනයට එහා ගියපු පුද්ගල බද්ධ දේශපාලනය තමයි අපි කරලා තියෙන්නේ.ඒ නිසා තමයි කවුරු කොහොම කිව්වත්, අවුරුදු 75 ක් තුළ මොනවද කලේ කියලා පහුගිය මැතිවරණයේ අහන කොට අපේ අයත් ඔලුව හොල්ල හොල්ල හිටියාට, 75 කට ඔ්න නෑ, මීට අවුරුදු 10 කට කලින් හොරොව්පතාන ආසනය මෙහෙමද තිබ්බේ කියලා ඔබතුමාලා ඔබතුමන්ලාගේ පපුවට තට්ටු කරලා ඇහුවොත්, අවුරුදු 10 කට කලින් ඔබතුමන්ලාගේ ගම කොහොමද තිබුණේ කියලා ඔබතුමන්ලා මතක් කර ගත්තොත් පහුගිය මැතිවරණයේ කවුරු කොහොම කිව්වත් ඒ සියලුම සංවර්ධනය කරලා තියෙන්නේ ඒ දේශපාලඥයෝ ටික, මේ ආණ්ඩු කරපු කණ්ඩායම ප්‍රථිපත්තීමය දේශපාලන කරනවා වගේම, ප්‍රථිපත්තියෙන් එහාට ගිහිල්ලා පුද්ගලික දේශපාලනයක්, මනුශ්‍යයොත් එක්ක දේශපාලනයක් කරපු නිසා තමයි මේ සංවර්ධනය ගමට ලැබිලා තියෙන්නේ.
