බිහිසුණු හෙලිකොප්ටර් අනතුරක්

ජපානයේ හමුදා හෙලිකොප්ටර් යානා දෙකක් අනතුරට ලක්වීමෙන් එක් අයෙකු මියගොස් තවත් 07 දෙනෙකු අතුරුදන්ව ඇති බව වාර්තා වේ.

ඉෂූ දූපත් ප්‍රදේශ ආශ්‍රිත පැසිෆික් මුහුදේ සබ්මැරීන් නිරීක්ෂණය සම්බන්ධ පුහුණු අභ්‍යාසයක නිරත වෙමින් සිටියදී මෙම අනතුර සිදුව ඇති බව විදෙස් මාධ්‍ය වාර්තා කළ අතර අනතුරින් මියගිය එක් හමුදා සාමාජිකයෙකුගේ මළ සිරුරක් සොයාගෙන ඇති අතර සෙසු පිරිස් සොයා මෙහෙයුම් ක්‍රියාත්මක බවද ජපාන බලධාරීන් සඳහන් කරයි.

අනතුරට හේතුව මෙතෙක් නිශ්චිතව අනාවරණය වී නොමැති නමුත් හෙලිකොප්ටර් යානා දෙක එකිනෙක ගැටී කඩා වැටෙන්නට ඇති බවට සැක පළකරයි.