බිල් ගේට්ස් ඉන්දියාවේදී මෝදි හමුවෙයි

ලොව ප්‍රමුඛ පෙළේ ධනවතෙකු වන මයික්‍රොසොෆ්ට් නිර්මාතෘ බිල් ගේට්ස් ඉන්දියාවට පැමිණ තිබේ.

එහිදී බිල් ගේට්ස් ඉන්දීය අග්‍රාමාත්‍ය නරේන්ද්‍ර මෝදි හමුවූ බවද වාර්තා වෙයි.

ලෝක ජනතාවගේ අභිවෘද්ධිය උදෙසා කෘතිම බුද්ධියේ බලය භාවිත කිරීම සම්බන්ධයෙන් එම හමුවේදී වැඩි අවධානයක් යොමුව ඇති බවද තවදුරටත් වාර්තා වෙයි.

ලොව පුරා මිලියන සංඛ්‍යාත ජනතාවක් සවිබල ගන්වන අංශ පිළිබඳව සාකච්ඡා කිරීම සැමවිටම සතුටට කරුණක් බව, හමුව සම්බන්ධයෙන් සිය X ගිණුමේ සටහනක් තබමින් ඉන්දීය අග්‍රාමාත්‍ය නරේන්ද්‍ර මෝදි පවසා ඇත.