බිත්තර ආනයනයේ දී ඉන්දීය රුපියල් භාවිත කිරීමට සැළසුම්

බිත්තර ආනයනයේ දී ඩොලර් වැය නොකර ඉන්දීය රුපියල් භාවිත කිරීමට සැළලසුම් කර තිබෙනවා.

මෙරට සතු ඩොලර් සංචිත සීමිත වීම ඊට හේතුව බව සදහන් .

අද දිනයේ බිත්තර ආනයනය සඳහා ජාත්‍යන්තර මිල ගණන් යටතේ ටෙන්ඩර් කැඳවා අවසන් කරන බව වෙළඳ අමාත්‍ය නලින් ප්‍රනාන්දු මහතා පසුගියදා ප්‍රකාශ කළා.

රාජ්‍ය වාණිජ විවිධ නීතිගත සංස්ථාව හරහා බිත්තර ආනයනයට අදාළ කටයුතු සිදු කෙරෙන අතර එහි සභාපති ආසිරි වලිසුන්දර මහතා සඳහන් කළේ බිත්තර මිලියන 20ක් ආනයනයට සැලසුම් කර ඇති බවයි.

පළමු අදියර යටතේ බිත්තර මිලියන 5ක් ආනයනය කරන බව ද ඔහු ප්‍රකාශ කළා.

ඒ අනුව පළමු තොගය ඉන්දියාවේ ,තමිල්නාඩුවෙන් ආනයනය කිරීමට සැළසුම් කර ඇති අතර ඒ සඳහා ගතවන්නේ දින දෙකක් පමණක් බවද සදහන් .

ඉන්දියාව සමඟ ඉන්දීය රුපියල් යොදා ගනිමින් ගණුදෙනු කිරීමේ අවස්ථාව මෙරටට ද ලබා දීමට ඉන්දීය මහ බැංකුව පසුගියදා අනුමැතිය ලබා දුන්නා.

මේ අතර ජාතික ගොවිජන එකමුතුවේ සභාපති අනුරාධ තෙන්නකෝන් මහතා පවසන්නේ රජය විසින් බිත්තර ආනයනය කිරීමට එරෙහිව තම සංගමය අධිකරණ ක්‍රියාමාර්ග ගන්න බවයි .

කොළොඹ පැවති මාධ්‍ය හමුවකදී ඔහු මේ බව ප්‍රකාශ කළා .