පාසල් රග්බි ලීග් තරගාවලියේ ඩී.එස් හා ශාන්ත තෝමස් විද්‍යාල ජය ලබා ගනී

පාසල් රග්බි ලීග් තරගාවලියේ පළමු කොටසේ ඒ කාණ්ඩයේ පස්වන සතියේ තවත් තරග කිහිපයක් පසුගිය දින වල පැවැත්වුණා.
එහිදී පසුගිය සිකුරාදා පැවති තරගයෙන් නුවර කිංස්වුඩ් විද්‍යාලය ලකුණු 31ට 27ක් ලෙස පරාජය කරමින් කොළඹ ඩී.එස් සේනානායක විද්‍යාල ජය ගැනීමටයි සමත් වුණේ.
මේ අතර පසුගිය සෙනසුරාදා දිනයේ තරග 5ක් පැවැත්වුණා.
එහිදී පළමු තරගයෙන් ශාන්ත තෝමස් විද්‍යාලය විසින් ලකුණු 26ට 24ක් ලෙස ශාන්ත ජෝසප් කණ්ඩායම පරාජය කරමින් තරගය ජය ගනු ලැබුවා.
මේ අතර දෙවැනි තරගයෙන් ඉසිපතන විද්‍යාලය ලකුණු 37ට 26ක් ලෙස ශාන්ත අන්තෝනි විද්‍යාලය පරාජය කරමින් සිය ජයග්‍රහණය තහවුරු කර ගනු ලැබුවා.
මෙහිදී විද්‍යා විද්‍යලය සමග පැවති තරගයෙන් ජය ගනු ලැබුවේ මහනුවර ත්‍රිත්ව විද්‍යාලයයි. එහිදී ඔවුන් ලකුණු 55ට 10 ලෙස විද්‍යා විද්‍යාලය පරාජය කිරීමටයි සමත් වුණේ.
කොළඹ රාජකීය විද්‍යලය සමග පැවැති තරයෙන් මහනුවර ධර්මරාජ විද්‍යාලය ලකුණු 36ට 18ක් ලෙස පරාජයට පත් වුණා.
මේ අතර කොළඹ සහිරා විද්‍යාලය ලකුණු 07ට 56ක් ලෙස පරාජය කරමින් ජය ගනු ලැබුවේ ශාන්ත පීතර විද්‍යාලයයි.