පාප් වහන්සේ සිංගප්පූරුවේ සංචාරයක

ශුද්ධෝත්තම ෆ්‍රැන්සිස් පාප් වහන්සේ ලබන සැප්තැම්බර් මාසයේ සිංගප්පූරුවේ සංචාරයක නිරතවීමට නියමිතයි.

එහිදී, පාප් වහන්සේ ජනාධිපති තර්මන් ෂන්මුගරත්නම් සහ අගමැති ලෝරන්ස් වොන්ග් හමුවීමට නියමිත බව සඳහන්.
එමෙන්ම උන්වහන්සේ එරට ජාතික ක්‍රීඩාංගනයේ දිව්‍ය පූජාවකටද සහභාගිවීමට නියමිත බවයි වතිකානුව නිවේදනය කර ඇත්තේ.

සැප්තැම්බර් 11 සිට 13 දක්වා සිංගප්පූරුවේ සිටින ෆ්‍රැන්සිස් පාප් වහන්සේගේ ආසියා පැසිෆික් සංචාරයේ අවසාන අදියරයි.

ඊට පෙර උන්වහන්සේ සැප්තැම්බර් 3 සිට 6 දක්වා ඉන්දුනීසියාවේ ද, සැප්තැම්බර් 6 සිට 9 දක්වා පැපුවා නිව්ගිනියාවේ ද, සැප්තැම්බර් 9 සිට 11 දක්වා ටිමෝර්-ලෙස්ටේ වෙතද සංචාරය කිරීමට නියමිත බව සඳහන්.