පනාමුරේ වෙඩි තැබීමක් – අයෙක් මරුට

පනාමුර, කැම්පනේ, කළුගලහේන ප්‍රදේශයේදී පුද්ගලයකුට වෙඩි තබා ඝාතනය කර ඇති බව පොලිසිය පවසනවා.

පොලිසිය කියා සිටියේ යතුරු පැදියකින් ගමන් කරමින් පුද්ගලයකුට මෙලෙස වෙඩි තබා ඝාතනය කර ඇති බවයි.

වෙඩි ප්‍රහාරයෙන් මියගොස් ඇත්තේ වයස අවුරුදු පනහක් පමණ වූ කැම්පනේ, ඕමල්පේ ප්‍රදේශයේ පදිංචිකරුවෙකි.

මියගිය පුද්ගලයා තම දරුවන් දෙදෙනා පාසලට ඇරලවා යතුරු පැදියෙන් ආපසු යමින් සිටියදී මෙලෙස වෙඩි ප්‍රහාරයට ලක්ව තිබෙනවා.

මෙරට නිෂ්පාදිත ගිනි අවියකින් මෙම වෙඩි තැබීම සිදු කර ඇති බවට දැනට කරන ලද විමර්ශනවලදී අනාවරණ වී ඇති බවයි පොලිසිය පවසන්නේ.

මහේස්ත්‍රාත් පරීක්ෂණය ඇඹිලිපිටිය මහේස්ත්‍රාත්වරයා විසින් පවත්වා ඇති අතර පශ්චාත් මරණ පරීක්ෂණය තංගල්ල රෝහලේදී තංගල්ල අධිකරණ වෛද්‍ය නිලධාරිවරයා විසින් සිදු කිරීමට නියමිතයි.

ඝාතනයට හේතුව මෙතෙක් අනාවරණ වී නොමැති අතර සැකකරුවන් අත්අඩංගුවට ගැනීම සඳහා පනාමුර පොලිසිය වැඩිදුර විමර්ශන සිදු කරනු ලබනවා.