නිවුන් දරුවන් මිය යෑම සම්බන්දයෙන් එම රෝහලේ ලේඛන පරීක්ෂාවක් සිදු කිරීමට තීරණයක්

කළුබෝවිල රෝහලේ නිවුන් දරුවන් මිය යෑම පිළිබද කෙරෙන විමර්ශනයට අදාලව එම රෝහලේ ලේඛන පරීක්ෂාවක් සිදු කිරීමට සෞඛ්‍ය අමාත්‍යාංශය තීරණය කර තිබෙනවා.

විශේෂ නිලධාරින් කණ්ඩායමක් මේ සදහා පත් කර ඇති බවයි නියෝජ්‍ය සෞඛ්‍ය සේවා අධ්‍යක්ෂ වෛද්‍ය ජී.විජේසූරිය මහතා පැවසුවේ.

කැස්බෑව ප්‍රදේශයේ පදිංචි මවක් දරු ප්‍රසූතිය සදහා පසුගිය 08 වන දා කළුබෝවිල ශික්ෂණ රෝහලට ඇතුලත් කර තිබූ අතර එහිදි ඇය නිවුන් දරුවන් ප්‍රසූත කර තිබුණා.

කෙසේ වෙතත් පසුව එම දරුවන් දෙදෙනා වෛද්‍යවරුන්ගේ නොසැලකිල්ල හේතුවෙන් මියගොස් ඇති බවටයි චෝදනා එල්ල වුණේ.

මේ සම්බන්ධයෙන් අද පැවති මාධ්‍ය හමුවකදී නියෝජ්‍ය සෞඛ්‍ය සේවා අධ්‍යක්ෂ වෛද්‍ය ජී.විජේසූරිය මහතා අදහස් පළ කළා.