නව ආණ්ඩුකාරවරුන් දෙදෙනකු පත්කිරීමේ තිරණයක්

ජනාධිපතිවරයාගේ ජපන් සංචාරයෙන් පසුව තවත් නව ආණ්ඩුකාරවරුන් දෙදෙනකු පත් කිරීමට නියමිත බව වාර්තා වනවා.

ආණ්ඩුවට සමීප ආරංචි මාර්ග සඳහන් කළේ, එක්සත් ජාතික පක්ෂ මහ ලේකම් පාලිත රංගේ බණ්ඩාර සහ එක්සත් ජාතික පක්ෂයේ හිටපු ජාතික සංවිධායක නවීන් දිසානයක යන මහත්වරුන්ට මෙලෙස ආණ්ඩුකාර ධුර හිමි වන බවයි.

එමෙන් ම පසුගියදා උතුර, නැගෙනහිර සහ වයඹ පළාත් සඳහා නව ආණ්ඩුකාරවරුන් පත් කෙරුණා.

ඒ අනුව වයඹ පළාත් නව ආණ්ඩුකාරවරයා ලෙස ජනාධිපති රනිල් වික්‍රමසිංහ මහතා අතින් පත්වීම් ලබාගත්තේ හිටපු අමාත්‍යවරයෙකු වන ලක්ෂ්මන් යාපා අබේවර්ධන මහතායි .

උතුර පළාත් ආණ්ඩුකාරවරිය ලෙස මැතිවරණ කොමිසමේ හිටපු සාමාජිකා පී.එස්.එම්. චාල්ස් පත්වීම ලබාගත් අතර, නැගෙනහිර පළාත් ආණ්ඩුකාරවරයා ලෙස පත් කළේ, ලංකා කම්කරු කොංග්‍රසයේ නායක, හිටපු පළාත් සභා අමාත්‍ය සෙන්දිල් තොණ්ඩමන්.