ඊයේ මධ්‍යම රාත්‍රියේ සිට ක්‍රියාත්මක කිරීමට සැලසුම් කර තිබු දුම්රිය වර්ජනය තාවකාලිකව අත්හිටවූ බව දුම්රිය ලොකමෝටිව් ඔපරේටින් ඉංජිනේරු සංගමය පවසනවා.
සිය වැටුප් අඩුකිරීමට යෝජනා කර ඇති කැබිනට් පත්‍රිකාව ඉවත්කරන ලෙස ඉල්ලා ඔවුන් එම වර්ජනය නිරත වීමට සැලසුම් කර තිබුණේ.
ඒ අනුව මෙම වර්ජනය සදහා දුම්රිය නියාමකවරුන් හා අධීක්ෂණ කළමනාකරුවන් ඇතුළු දුම්රිය සංගම් ද එක්වීමට නියමිතව සිටි බව දුම්රිය ලොකමෝටිව් ඔපරේටින් ඉංජිනේරු සංගමය සදහන් කළා.
කෙසේවෙතත් ඊයේ පස්වරුවේ දුම්රිය බලධාරීන් සමග මේ සම්බන්ධයෙන් සාකච්ඡාවක් පවත්වා තිබෙනවා.
එහිදී දුම්රිය බලධාරින් සිදුකළ කරුණු පැහැදිලි කිරීමකින් අනතුරුව වර්ජනය තාවකාලිකව අත්හිටුවිමට තීරණය කළ බවයි දුම්රිය වෘත්තීය සමිති සඳහන් කළේ.
