2024 ජනාධිපතිවරණ අපේක්ෂකයන්ගෙන් නාමයෝජනා බාර ගැනීම ලබන 15 වනදා පෙරවරු 9 සිට පෙරවරු 11 දක්වා රාජගිරිය මැතිවරණ කොමිෂන් සභා කාර්යාල පරිශ්‍රයේදී සිදු කරනු ලබනවා.
ඒ අනුව මැතිවරණ කොමිෂන් සභාවේ සභාපති ආර්. එම්. ඒ. එල්. රත්නායක මහතා සඳහන් කළේ එදින මැතිවරණ කොමිෂන් සභාවට සහ ඒ අවට කලාපයට විශේෂ පොලිස් ආරක්ෂාවක් යොදවන බවයි.
ඒ සඳහා පොලීසියේ සහ පොලිස් විශේෂ කාර්ය බළකායේ 1500 ක පමණ පිරිසක් යෙදවීමට අවශ්‍ය කටයුතු සැලසුම් කර තිබෙනවා.
මේ අතර මැතිවරණ කාර්යාලයේ ආරක්ෂාව වෙනුවෙන් එදින විශේෂ රථ වාහන සැලැස්මක්ද ක්‍රියාත්මක කරන බව පොලිස් මූලස්ථානය වැඩිදුරටත් සඳහන් කළා.
