ජනපතිගෙන් විශේෂ ප්‍රකාශයක්

රටේ උද්ධමනය ඉහළ යන වේගය 50% ක් දක්වා අඩු වී තිබෙන බව ජනාධිපති රනිල් වික්‍රමසිංහ මහතා අද පාර්ලිමේන්තුවේදී විශේෂ ප්‍රකාශයක් කරමින් පැවසුවා.

එමෙන්ම ආහාර උද්ධමනය ද 54% දක්වා අඩු වී තිබෙන බවයි ඔහු පැවසුවේ.

මේ අතර පොහොර ලබා දීමත් සමග යල සහ මහ කන්නයේ සාර්ථක අස්වැන්නක් රටට ලැබුණු බවත් 2022 ජූනි මාසයේ සිට කෘෂි කාර්මික නිෂ්පාදන අපනයන සාමාන්‍ය තත්වයට පත්ව ඇති බවත් ජනාධිපතිවරයා අවධාරණය කළා.

ඒ තුළින් ආර්ථික ගැටලුවලට යම් දුරකට විසදුම් ලබා දී ඇති බවයි ජනාධිපති රනිල් වික්‍රමසිංහ මහතා පාර්ලිමේන්තුව අමතමින් ප්‍රකාශ කළේ.

මේ අතර රජය ගෙන යන වැඩපිළිවෙළ කඩාකප්පල් කිරීමට යම් කොටසක් කටයුතු කරන්නේ නම් ඔවුන්ට එරෙහිව දැඩි ක්‍රියාමාර්ග ගන්නා බවද ජනාධිපතිවරයා සදහන් කළා.