පාදුක්ක පෝරේගෙදර ප්‍රදේශයේ නිවසක් මතට විශාල කොස් ගසක් කඩා වැටීමෙන් දරුවෙකු ඇතුළු සිව්දෙනෙකු තුවාල ලබා තිබෙනවා.
පැවති වර්ෂාවත් සමඟ හැමූ දැඩි සුළඟ හේතුවෙන් මෙම ගස කඩා වැටි ඇති බවයි වාර්තාවන්නේ.
අනතුරින් තුවාල ලැබූ පිරිස ප්‍රතිකාර සඳහා රෝහල් ගත කර තිබෙනවා.
ගස කඩා වැටීමෙන් අදාළ නිවස සම්පූර්ණයෙන්ම විනාශ වී ඇති අතර නිවස අසල නවතා තිබූ වෑන් රථයකටද දැඩි ලෙස හානි වී ඇති බවයි පොලීසිය සඳහන් කරන්නේ.
