කොළඹ කොටුව සිට මඩකලපුව දක්වා ධාවනයට නියමිත සියළු දුම්රියන් අවලංගු වෙයි

කොළඹ කොටුව සහ මඩකලපුව අතර අද දිනට ධාවනය වීමට නියමිතව තිබූ සියලුම දුම්රිය ගමන්වාර අවලංගු කිරීමට පියවර ගෙන ඇති බව දුම්රිය දෙපාර්තමේන්තුව සඳහන් කරනවා.

ඒ, අද උදෑසන මින්නේරිය – රොටවැව මංසන්ධිය ආසන්නයේදී ඉන්ධන ප්‍රවාහනය කරමින් තිබූ දුම්රියක වන අලි රංචුවක් ගැටීමෙන් සිදු වූ අනතුරක් හේතුවෙන්.

මෙම අනතුරින් අලින් දෙදෙනෙකු මිය ගොස් තවත් අලියෙක් තුවාල ලබා ඇති බවයි වනජීවි දෙපාර්තමේන්තුව සදහන් කළේ.

අනතුරත් සමඟ දුම්රිය පීලි පැන ඇති අතර, එහිදී ටැංකි දෙකක් පෙරලී තිබෙනවා.

එමෙන්ම, ඉන්ධන කාන්දුවක් ද සිදුව ඇති බවයි අප වාර්තාකරුවන් පවසා සිටියේ.