කිවියන් පැරදූ කැංගරුවන්ට ලකුණු 5ක තියුණු ජයක්

ලෝක කුසලාන එක්දින ක්‍රිකට් තරගාවලියේ 27 වන තරගයෙන් ලකුණු 5ක තියුණු ජයක් වාර්තා කිරීමට ඕස්ට්‍රේලියානු කණ්ඩායම සමත් වූවා.

ඒ නවසීලන්ත කණ්ඩායම සමග අද ධර්ම්ශාලා ක්‍රීඩාංගණයේදී පැවැති තරගයේදීයි.

තරගයේ කාසියේ වාසිය දිනාගත් නවසීලන්ත කණ්ඩායම පළමුවෙන් පන්දු රැකීමට තීරණය කළා.

ඒ අනුව පන්දුවට පහරදීමට පිටියට පැමිණි ඕස්ට්‍රේලියානු කන්ඩායම පන්දුවාර 49.2කදී සියලුම දෙනා දැවී ලකුණු 388ක් රැස් කර ගැනීමට සමත් වූවා.

ඕස්ට්‍රේලියානු කණ්ඩායම වෙනුවෙන් Travis Head ලකුණු 109ක් පන්දු 67කදී ලබාගැනීමට සමත් වූ අතර ඊට හතරේ පහර 10ක් සහ හයේ පහර හතක් අන්තර්ගත කෙරුණා.

ඩේවිඩ් වෝර්නර් ලකුණු 81ක්ද ග්ලේන් මැක්ස්වෙල් ලකුණු 41ක්ද ලබාගැනීමට සමත් වූවා.

Josh Inglis ලකුණු 38කුත් Pat Cummins ලකුණු 37කුත් Mitchell Marsh ලකුණු 36කුත් මුළු සංඛ්‍යාවට එක් කිරීමට සමත් වූවා.

Marnus Labuschagne සහ Steven Smith ලකුණු 18 බැගින් ලබාගැනීමට සමත් වූවා.

Mitchell Starc එක් ලකුණකට දැවී ගිය අතර Adam Zampaට ලකුණු ලබාගැනීමට හැකි වූයේ නෑ.

අතිරේක ලකුණු 9ක්ද සමගින් ඕස්ට්‍රේලියානු ඉනිම ලකුණු 388කට සීමාව වූවා.

පන්දු යැවිමේදී නවසීලන්ත කණ්ඩායම වෙනුවෙන් Glenn Phillips සහ Trent Boult කඩුලු තුන බැගින් දවා ගැනීමට සමත් වූ අතර Mitchell Santner කඩුලු දෙකක් දවා ගැනීමට සමත් වූවා.

මේ අතර Matt Henry සහ James Neesham එක් කඩුල්ල බැගින් දවා ගැනීමට සමත් වූවා.

ලකුණු 389ක ජයග්‍රාහී ඉලක්කයක් හඹා යාමට පිටියට පැමිණි නවසීලන්ත කණ්ඩායමට නියමිත පන්දුවාර 50 අවසානයේ කඩුලු 9ක් දැවී ලබාගත හැකි වූයේ ලකුණු 383ක් පමණයි.

නවසීලන්ත ඉනිම වෙනුවෙන් Rachin Ravindra ලකුණු 116ක් ලබාගත් අතර James Neesham ළකුණු 58ක් ලබාගත්.

Daryl Mitchell ලකුණු 54කටද Will Young ලකුණු 32කටද Devon Conway ලකුණු 28කටද Tom Latham ලකුණු 21කටද දැවී ගියා.

සෙසු කිසිදු ක්‍රීඩකයෙකු ලකුණු 20 සීමාව පසු කිරීමට සමත් වූයේ නැහැ.

ඒ අනුව නවසීලන්ත කණ්ඩායම අතිරේක ලකුණු 26ක්ද සමගින් ලබාගත හැකි වූයේ කඩුලු 9ක් දැවී ලකුණු 383ක් පමණි.

පන්දු යැවීමේදී ඕස්ට්‍රේලියානු කණ්ඩායම වෙනුවෙන් Adam Zampa කඩුලු තුනක්ද Josh Hazlwood සහ Pat Cummins කඩුලු දෙක බැගින්ද දවා ගත්තා.

එක් කඩුල්ලක් දවා ගැනීමට Glenn Maxwell සමත් වූවා.

මේ අතර ලෝක කුසලාන එක්දින ක්‍රිකට් තරගාවලියේ 28 වන අතරගය ඊඩන් ගාඩන්ස් හිදී මේ වන විට පැවැත්වෙන්නේ බංග්ලාදේශ කණ්ඩායම සහ නෙදර්ලන්ත කණ්ඩායම අතරයි.

පළමුවෙන් පන්දුවට පහරදුන් නෙදර්ලන්ත කණ්ඩායමට සියලුම දෙනා දැවී ලබාගත හැකි වූයේ ලකුණු 229ක් පමණයි.

පිළිතුරු ඉනිම ක්‍රීඩා කරන බංග්ලදේශ කන්ඩායම පන්දුවාර 8ක් අවසන් වන විට කඩුලු දෙකක් දැවී ලකුණු 23ක් ලබාගෙන සිටියා.