13 වන එක්දින ලෝක කුසලාන ක්‍රිකට් තරගාවලියේ 16 වන තරගය නවසීලන්ත කණ්ඩායම සහ ඇෆ්ගනිස්ථාන කණ්ඩායම අතර අද පැවැත්වෙනවා.
මෙම තරගය ඉන්දියාවේ චෙන්නායි හිදි පැවැත්වීමටයි නියමිතව ඇත්තේ.
මෙරට වේලාවෙන් පස්වරු 2 ට අදාළ තරගය ආරම්භ වනු ඇති.
මේ අතර ලෝක කුසලාන තරගාවලියේ ප්‍රසාද ලකුණු සටහනේ පළමු ස්ථානය හිමිකර ගැනීමට ඉන්දීය කණ්ඩායම සමත්ව තිබෙනවා.
ඒ ඔවුන් මේ දක්වා ක්‍රීඩා කළ තරග 3 ම ජයග්‍රහණය කරමින්.
මෙම සටහනේ පිළිවෙලින් 2 වන 3 වන සහ සිවු වන ස්ථාන නවසීලන්තය, දකුණු අප්‍රිකාව සහ පාකිස්ථානය විසිනුයි හිමිකරගෙන ඇත්තේ.
නෙදර්ලන්තයද ඊයේ දිනයේදී මෙවර ලෝක කුසලාන තරගාවලියේ පළමු ජය වාර්තා කිරීම සමග ශ්‍රී ලංකාව අභිබවා යමින් 9 වන ස්ථානය හිමිකරගෙන තිබෙනවා.
කෙසේ වෙතත් මෙම සටහනේ මේ වන විට ශ්‍රී ලංකාවට හිමිව ඇත්තේ අවසන් ස්ථානයයි.
