පාර්ලිමේන්තුවේ ආචාර ධර්ම සහ වරප්‍රසාද කමිටුව අද ,හෙට සහ අනිද්දා දින වලදී රැස් වීමට නියමිතව තිබෙනවා .
මෙම දින වලදී විනය විරෝධීව හැසිරුනු බවට මන්ත්‍රීවරුන් නව දෙනකුට එරෙහිව ඉදිරිපත් කෙරුණු පැමිණිලි හයක් අදාළ කමිටුව විසින් විභාග කිරීමට නියමිතයි .
ඒ අනුව ඩයනා ගමගේ රාජ්‍ය අමාත්‍යවරිය සහ සුජිත් සංජය පෙරේරා , රෝහන බණ්ඩාර යන මන්ත්‍රීවරුන් අතර ඇතිවූ ගැටුමට සම්බන්ධ පැමිණිලිල්ල මෙන්ම චමින්ද විජේසිරි මන්ත්‍රීවරයා පාර්ලිමේන්තුවේ සහකාර මහ ලේකම් හංස අබේරත්න මහතාට තර්ජනය කිරීමේ සිද්ධිය පිළිබඳ පැමිණිල්ල විභාග කෙරෙනු ඇති .
එමෙන්ම විපක්ෂ නායක සජිත් ප්‍රේමදාස , රාජ්‍ය අමාත්‍යවරුන් වන අනුරාධ ජයරත්න සහ සනත් නිශාන්ත මෙන්ම පාර්ලිමේන්තු මන්ත්‍රීවරුන් වන නලින් බණ්ඩාර සහ අලි සබ්රි රහීම් යන මහත්වරුන්ට එරෙහිව ඉදිරිපත් කර ඇති පැමිණිලි මෙහිදී විභාගයට ගැනීමට නියමිතව තිබෙනවා .
අයවැය විවාදයන් අවසන්වීමට පෙර මෙම සියලු සිද්ධීන් විමර්ශන කර අවසන් කරන ලෙස කතානායක මහින්ද යාපා අබේවර්ධන මහතා ආචාර ධර්ම සහ වරප්‍රසාද කමිටුවේ සභාපති චමල් රාජපක්ෂ මහතා වෙත උපදෙස්දී තිබෙනවා.
